АРЫСТА ЖАЛПЫХАЛЫҚТЫҚ СЕНБІЛІК ӨТЕДІ
Құрметті Арыс қаласының тұрғындары!
11-маусым, сенбі күні Арыс қаласында жалпыхалықтық сенбілік өтеді. Қала тазалығы үшін әрбір тұрғын жанашырлық танытып, шаһарымыздың абаттандырылуына да жауапкершілікпен қарағаны жөн.
Сондықтан да, қала тұрғындары мен кәсіпорын, мекеме қызметкерлерін жалпыхалықтық сенбілікке бір кісідей атсалысуға шақырамыз.
Сенбілік қоғамдық жұмыстар «Арыс – Шымкент» және «Арыс – Шардара» тас жолының бойында жүргізілетін болады.
Негізгі мақсат – қалаға кіреберіс жолдарының жиегі мен кәсіпорын, мекеме аулаларының тазалығын қамтамасыз ету болып табылады.
