ТҮРКІСТАН: ТҮЛКІБАС АУДАНЫНДА ОРТАҚ ЖАЙЫЛЫМНЫҢ ҮЛЕСІ АРТУДА

Жайылым жер мәселесін шешу бағытында Мемлекет басшысы Қасым-Жомарт Тоқаевтың тапсырмасына сәйкес, Түркістан облысы, Түлкібас ауданында тиісті жұмыстар атқарылып жатыр. Аудан бойынша жайылымдық жер көлемі 57948 гектарды құрайды.

Түсіндіру жұмыстары нәтижесінде 2021 жылы ортақ меншікке табысталған жайылымдық жер көлемі 5612 гектарды құрады. 2022 жылы 12000 гектарды ортақ жайылымға табысталу жоспарланып, қазіргі таңға 1780 гектар жер ортақ жайылымдық ретінде табысталды. Сонымен бірге биыл меморандум арқылы мал жаюға 23000 гектар жайылымдық жер телімін беру жоспарланып, жергілікті ауыл әкімшілігі мен осы салаға жауапты мамандардың ортақ жұмысының нәтижесінде 17890 гектар жер телімдерінің иелерімен меморандум түзілді. Ал қалған 5238 гектар жайылымдық жер телімі сәуір айының 20 жұлдызына дейін меморандум арқылы мал жаю үшін елге беріледі.

Түлкібас ауданы әкімдігінің баспасөз қызметі