АРЫСТА ТҮРКІСТАН ОБЛЫСЫ ҚҰРЫЛҒАЛЫ 20-ДАН АСТАМ НЫСАН ПАЙДАЛАНУҒА БЕРІЛГЕН
Түркістан облысының құрылғанына биыл 5 жыл толды. Осынау аз ғана уақыт ішінде Тоғыз жол торабы атанған Арыс өңірі қарқынды дамып, елеулі өзгеріс орын алды.
Мемлекет басшысы мен Үкіметтің қолдауының, еңбекқор ел мен басшылардың еңбегі нәтижесінде Арыс қаласы 5 жылда өркендей түсті.
Мәселен, Арыс қаласында соңғы бес жылда 20 дан астам әлеуметтік нысан пайдалануға берілді. Оның ішінде Көктем тұрғын ауданынан үш қабатты, 108 пәтерлі тұрғын үй мен 5 қабатты 60 пәтерлі 4 көпқабатты тұрғын үй әлеуметтік осал топқа жататын үй кезегінде тұрған азаматтарға берілді. Бұдан бөлек, Ақдала мен Монтайтас, Жиделі ауылдарында әкімдік ғимараты салынды. Жиделіде 120 орындық, Ақдалада 240 орындық мәдениет үйі пайдалануға берілуге дайын. Сонымен қатар, түрлі спорттық нысандар, мәдени ордалар пайдалануға беріліп, саябақтар қайта жаңғыртылды.
Түркістан қаласы облыс орталығы болған кезеңнен бері халық саны 50 мың адамға өсіп, қазір 220 мыңнан асты. Соңғы 5 жылда облыстың жалпы өнірлік өңімі 2 трлн. теңгеге ұлғайған. Ауыл шаруашылығының жалпы өнім көлемі 2 есеге дейін ұлғайып, 1 трлн. теңгеге жетті. Түркістан облысы құрылғалы бері негізгі капиталға салынған инвестицияның жалпы көлемі 2,9 трлн. теңгені құрады.
Сондай-ақ тұрғын үй құрылыс жұмыстарының көлемі 5 жылдың ішінде 3 есе артып, 350,9 млрд. теңге құрады. Негізгі көппәтерлі үйлердің құрылысы Түркістан қаласында жүргізіліп жатыр. 2019 жылдан бастап 340 көпқабатты тұрғын үйдің құрылысы жүргізілді. Талай жалынды жас осында баспаналы болып, армандарына қол жеткізді.
Былтыр Мемлекет басшысы Қасым-Жомарт Тоқаев Түркістан облысы тұрғындарымен кездесуде Түркістанға тарихи және рухани елорда мәртебесін беру мәселесін көтерген болатын. Тарихы тереңде жатқан шаһардың жаңа дәуірі басталып, жыл өткен сайын көптеген нысан бой көтеріп жатыр.
Соңғы 5 жылда Түркістан қаласында жаңа әуежай салынды. Тәуелсіз Қазақстандағы алғашқы жаңа әуежай өңірдегі туризмнің дамуына қуатты серпін берді. Сондай-ақ шаһарда мәдени және рухани орталықтар, спорт нысандары, теннис орталығы, әкімшілік-іскерлік орталығы жаңа ғимараттармен толықты. Мұз сарайының да ашылатын күні алыс емес. Жалпы 5 жылда 250-ден астам жаңа нысан ел игілігіне берілді. Туристік нысандар көбейді.
Осылайша, 5 жылдың ішінде тарихы тереңде жатқан, күллі түркі xалықтарының өткенінен сыр шертетін киелі мекен Түркістан өзгерген өңірге айналды.
