ЭЛЕКТРОНДЫ ТҮРДЕ  МЕМЛЕКЕТТІК ҚЫЗМЕТ АЛУДЫҢ ТИІМДІЛІГІ

335

Мемлекет басшысы Қасым-Жомарт Тоқаевтың Қазақстан халқына Жолдауында «Халық үніне құлақ асатын мемлекет» тұжырымдамасы негізінде клиентке бағдарлану, сондай-ақ, электрондық қызмет көрсету сапасын жақсарту қажеттілігін айтты.

Бұл ретте, елімізде мемлекеттік көрсетілетін қызметтерді электрондық нысанға көшіруге бағытталған.

Мемлекеттік қызметтер көрсету саласындағы мемлекеттік саясаттың іске асырылуын қамтамасыз ету – барлық мемлекеттік органдардың басты міндеттерінің бірі.

Бұдан бөлек, электрондық нысандағы көрсетілетін қызметтердің саны мен үлесінің артуына облыс тұрғындарының да үлесі зор.

Атап айтатын болсақ, ағымдағы жылы Түркістан облысының тұрғындарына 16 млн астам қызмет көрсетіліп, оның ішінде, 98,7% электронды түрде ұсынылып, өткен жылмен салыстырғанда 2,7% артқан.

Яғни, әрбір адам мемлекеттік қызметті электронды нысанда алған жағдайда көптеген басымдылықтарды көре алатындығын біледі.

Ол ең алдымен өзінің уақытын үнемдейді, кезектілікке душар болмайды, сонымен қатар, қызметті кез-келген ыңғайлы уақытта үйде отырып алуға мүмкіндігі бар.

Сонымен қатар, қазіргі уақытта тұрғындарға қолжетімді қызмет алу үшін мобильді қосымшаларды да айта кету қажет.

Мәселен, осыған дейін азаматтар Мамандандырылған ХҚКБ барып кезектілік тәртібімен көлік құралын тіркеу, есептен шығару және мемлекеттік тіркеу нөмірлік белгісін алатын болса, қазір осы процестерді мобильді қосымшалар арқылы алу мүмкіндіктері қарастырылған.

Ағымдағы жылы облыс бойынша Мамандандырылған ХҚКБ арқылы 255 мың қызметтер көрсетілсе, оның ішінде 150 мыңнан астамы мобильді қосымшалар (Каспи, Фридом банк) арқылы ұсынылып, осы бағыттағы жұмыстардың тиімділігі артуда.

Осылайша, электронды нысанда қызмет алу арқылы мемлекеттік қызмет алушы мен берушінің арасындағы тікелей байланыс жойылуына, яғни, сыбайлас жемқорлыққа тәуекелдерге түрткі болуы мен қандай да бір себептердің пайда болуына мүмкіндік берілмейді.

Бұдан бөлек, тұрғындардың мәселелерді жедел жеткізуі мен кері байланысты оңтайландыру бойынша өтініш беру көздерінің аясы кеңейген.

Бұл тұста, «Департаменттің сенім телефоны» және «ONAY KYZMET» телеграмм канал қосылып, жыл басынан бері 200-ге жуық азаматтар мен кәсіпкерлерге кеңестер берілуде.

Қызмет алушыларға электронды қызмет алуына қолайлы жағдайлар жасау олардың бұзылған құқықтары мен заңды мүдделерін қалпына келтіру бойынша жұмыстарды жүргізу Департаменттің басты міндеттері бола бермек.

 

Дархан Суртеков

ҚР Мемлекеттік қызмет істері агенттігінің Түркістан облысы бойынша департаменті басшысының орынбасары, Әдеп жөніндегі кеңес хатшылығының меңгерушісі

 

Advertisements