ТҮРКІСТАН: КЕЛЕСТІК ОҚУШЫ АҚШ-ТЫҢ 8 УНИВЕРСИТЕТІНІҢ ГРАНТЫН ЖЕҢІП АЛДЫ
![](http://publica.kz/wp-content/uploads/2022/04/277769576_286423280343247_7295656226759305279_n-526x613.jpg)
Түркістан облысы, Келес ауданы, Біртілек ауылдық округіңде орналасқан №9 Көлтоған жалпы орта мектебінің 11 сынып оқушысы Жанерке Зейлбекова Америка Құрама Штаттарының 8 университетінен грант ұтып алды.
Жанерке Зейлбекова 9 сыныптан бастап ағылшын тілін терең меңгеріп, Назарбаев университетіне түсуге тыңғылықты дайындала бастаған. 10-сыныпқа қадам басып, онлайн түрде оқу курстарынан өтіп, шет елдегі конкурстарға қатыса бастады. Нәтижесінде АҚШ мемлекетінің 8 университетінен шақырту алды. Қазіргі таңда Түркия мемлекетінің жоғары оқу орындарына да құжаттарын тапсырып, нәтижесін күтуде. Білімді шәкірт жеткен жетістіктеріне басты себепкер болған №9 Көлтоған жалпы орта мектебінің ұстаздарына дән риза.
Түркістан облысы әкімінің баспасөз қызметі