МЕМЛЕКЕТТІК ҚЫЗМЕТТЕР ЖӘРМЕҢКЕСІ
Құрметті қала тұрғындары!
Мемлекеттік қызмет істері агенттігіне қарасты Түркістан облысы бойынша департаментінің ұсынысымен 2022 жылдың 24 тамызында сағат 17:00-де Арыс қаласы әкімдігінің «Фейсбук» әлеуметтік желісіндегі ресми парақшасында онлайн форматта мемлекет тарапынан көрсетілетін қызметтер жәрмеңкесі ұйымдастырылады.
Онлайн жәрмеңкеде Арыс қалалық мемлекеттік кірістер басқармасы, Арыс қалалық ауыл шаруашылық, адами әлеуетті дамыту, ветеринария және жер қатынастары бөлімдерінің басшылары тікелей эфирде арнайы баяндама жасайды. Осыған орай, жоғарыда аталған салалар бойынша тікелей эфирге қатысып, сұрақтарға нақты жауап алуға болады.
Айта кетейік, бұл жәрмеңке мемлекеттік қызметтерді көрсету кезінде тұрғындардың құқығы мен бостандығын және заңды мүдделерін сақтауды қамтамасыз ету мақсатында ұйымдастырылуда.
