АРЫСТЫҚ ӘЙЕЛ РЕФЕРЕНДУМҒА ШАШУМЕН КЕЛДІ

Таңертеңнен бастап қала орталығындағы әрбір референдум учаскесінің алдында халық қарасы қалың болды. Олардың барлығы да референдумда өз таңдауын жасауға келген тұрғындар болатын.

Солардың қатарында Тәуелсіз Қазақстанымыз гүлденіп, көркейе берсін деген ізгі ниетпен өз таңдауын жасаған Айгүл Қарабалаева арнайы шашумен келді.

«Болашағымыздың баянды ететін аса маңызды науқанға дәстүр жаңғыртайын деп ырымдап, арнайы шашуымды ала келдім», – деген ол жаңа Қазақстан құруда жүрекжарды лебізін білдіріп, көпшілікке сәттілік тіледі.