Шымкент қаласында көкөніс сақтайтын қойма салу жоспарланып отыр
Шымкент қаласында көкөніс сақтайтын қойма салу жоспарланып отыр. Оны кәсіпкер өз есебінен жүзеге асырмақ. Өткен аптадағы инвестициялық штабтың отырысында жоба таныстырылып, өзекті мәселелер талқыланған болатын.
Жобны ұсынушы «КЕРЕМЕТ-САПА» ЖШС-нің жетекшісі қоймада 2 мың тонна көкөніс пен жеміс-жидек сақтауға болатынын айтады. Қойма тауарлардың ұзақ уақыт балғын күйде сақталуын қамтамасыз етеді.
Жоба құны – 500 млн теңге. Жоба жүзеге асқан уақытта 15 адам тұрақты жұмыспен қамтылады.
Қала әкіміне инвестор қойманы салу үшін 1 гектар жер телімі қажеттілігі туындап отырғанын айтып, көмек беруін сұрады. Шаһар басшысы аудан әкімдері мен тиісті сала басшыларына инфрақұрылымы дайын аумақтан жер телімін беру туралы шешім қабылдады.